پۆپكۆرن تایم كێشه بوۆئه پڵدروست ده كات

ئه‌و تیمه‌ی كه‌ له‌ پشت دروستكردنی پۆپكۆرن تایم-ه‌وه‌ن، ئه‌پڵیكه‌یشنێكی نوێیان بۆ سیستمی ئای ئۆ ئێس به‌رهه‌مهێناوه‌ كه‌ پێویستی به‌ جه‌یڵبره‌یك نییه‌ و ئه‌مه‌ش ده‌بێته‌ كێشه‌ بۆ كۆمپانیای ئه‌پڵ‌.

پۆپكۆرن تایم كه‌ پێشتر بۆ سیستمی ئه‌ندرۆید و ویندۆز هه‌بووه‌ و له‌ڕێگه‌یه‌وه‌ ده‌توانرێت فیلم و زنجیره‌ ته‌له‌فزیۆنییه‌كان به‌بێ به‌رانبه‌ر ببینرێن، ئێستا بۆ سیستمی ئای ئۆ ئێس به‌رده‌سته‌ و پێویستی به‌ جه‌یڵبره‌یك نییه‌، بۆیه‌ كێشه‌ بۆ كۆمپانیای ئه‌پڵ‌ دروستده‌كات، چونكه‌ فیلم و زنجیره‌كانی ناو ئه‌پڵیكه‌یشنه‌كه‌ مافیان پارێزراوه‌ بۆ هۆڵیود.

پۆپكۆرن تایم ماوه‌ی ساڵیكه‌ بووه‌ته‌ هه‌ڕه‌شه‌ له‌سه‌ر هۆڵیود و ته‌نانه‌ت به‌ ركابه‌ڕێكی گه‌وره‌ی نێتفلیكس داده‌نرێت، چونكه‌ به‌كارهێنه‌ر ده‌توانێت به‌ ته‌نیا كلیكێك بینه‌ری چه‌ندین فیلمی و زنجیره‌ی ته‌له‌فزیۆنی جیهانی بێت به‌بێ ئه‌وه‌ی هیچ له‌به‌رانبه‌ردا ببه‌خشێت.

پێش چه‌ند مانكێگ ئه‌پڵكه‌یشنێك بۆ پۆپكۆرن تایم به‌رهه‌مهێنرا، به‌ڵام پێویستی به‌ جه‌یڵبره‌یك هه‌بوو، به‌ڵام به‌هۆی ئه‌پڵیكه‌یشنی نوێوه‌ هه‌موو خاوه‌ن ئایفۆن و ئایپادێك ده‌توانێت به‌بێ جه‌یڵبره‌یك ئه‌و ئه‌پڵیكه‌یشته‌ به‌كاربهێنێت.

زۆربه‌ی به‌كارهێنه‌رانی پۆپكۆرن تایم له‌ سیستمی ویندۆزه‌وه‌ سه‌رچاوه‌ ده‌گرن كه‌ نزیكه‌ی له‌سه‌دا 55ه‌و هه‌ندێك دیكه‌ له‌ سیستمی ئه‌ندرۆیده‌وه‌ كه‌ نزیكه‌ی له‌سه‌دا 30 ده‌بێت، به‌ڵام به‌هۆی ئه‌پڵیكه‌یشنی نوێی سیستمی ئای ئۆ ئێس ئه‌و ڕێژانه‌ گۆڕانیان به‌سه‌ردا دێت.


سه‌رچاوه‌: The Next Web, TechCrunch, VentureBeat

رسالة أحدث رسالة أقدم