پادشای ئوردن: تاكه وڵاتی عه‌ره‌بین كه له دژی داعش شه‌ڕده‌كه‌ین
شا عه‌بدوڵڵا له دیمانه‌یه‌كدا له‌گه‌ڵ كه‌ناڵی "فۆكس نیوز"ی ئه‌مریكایی رایگه‌یاند: "ئێمه له‌ئێستادا تاكه وڵاتی عه‌ره‌بین كه له سوریادا له‌گه‌ڵ ولایه‌ته یه‌كگرتووه‌كان كار ده‌كه‌ین و كه‌نه‌داش له‌م دواییه‌دا هاتووه‌ته ریزه‌وه".
پادشای ئوردن وتیشی: "له‌دوای شه‌هیدبوونی مه‌عاز كه‌ساسبه‌ی فڕۆكه‌وانی ئوردنی به‌ده‌ستی تیرۆریستانی داعش له مانگی شوباتی رابردوو، ئیمارات و به‌حره‌ین پشتوانیان كردوون، به‌ڵام به‌هۆی ئه‌و رووداوانه‌ی له یه‌مه‌ن رووده‌ده‌ن، ئه‌وانیش كشاونه‌ته‌وه".
به وته‌ی شا عه‌بدوڵڵای دووه‌م: " ئێمه تاكه وڵاتی عه‌ره‌بین كه له‌گه‌ڵ عیراقییه‌كان و هاوپه‌یمانی نێوده‌وڵه‌تی دژ به داعش شه‌ڕده‌كه‌ین و له‌گه‌ڵ زیادبوونی هه‌ڵمه‌ت و هێرشه‌كانی عیراق و هاوپه‌یمانی نێوده‌وڵه‌تیش بۆسه‌ر تیرۆریستان، ئه‌وانیش پرۆسه‌كانیان چڕده‌كه‌نه‌وه و پاڵپشتی زیاتر له عیراق ده‌كه‌ن".
پۆل
ئابوری
كۆمێنت
ليست هناك تعليقات :