پینج خۆراكی نایاب دژی قه له وی

هه‌ندێكجار بۆ روبه‌ڕووبونه‌وه‌ی قه‌له‌قی ته‌نها پێوستت به‌ هه‌ڵبژاردنی خۆراكی به‌سووده‌، ئه‌گه‌ر هه‌ستت كرد كه‌ كۆنترۆڵی خۆتت له‌ده‌ستداوه‌و باری ته‌ندروستیت به‌ره‌و خراپبوون ده‌ڕوات، هه‌ناسه‌یه‌كی قوڵ هه‌ڵكێشه‌و هه‌ریه‌ك له‌م خواردنانه‌ هه‌ڵبژێره‌ كه‌ له‌م لیسته‌دا هه‌ن.

1- پرته‌قاڵ: ڤیتامین C له‌ پێكهاته‌ی پرته‌قاڵ و میوه‌ ترشه‌كانی تردا هه‌یه‌، كه‌ هاوكاره‌ له‌ رزگاربوون له‌ حاڵه‌تی قه‌له‌قی له‌كاتی سه‌رقاڵبوون به‌ ئیش و كارو وتووێژ، چونكه‌ ئه‌م ڤیتامینه‌ ده‌بێته‌ هۆی كه‌مكردنه‌وه‌ی فشاری خوێن و هۆكارێكی باشه‌ بۆ خێراتر گه‌ڕانه‌وه‌ی هۆڕمۆنه‌كان بۆ باری ئاسایی له‌ حاڵه‌تی قه‌له‌قیدا، ده‌توانین بڵێین باشترین رۆژت ده‌بێت ئه‌و رۆژه‌ی كه‌ تیایدا ئاوی پرته‌قاڵ یان پڕته‌قاڵێك وه‌ك ژه‌مێكی ئاسایی ده‌خۆیت.

2- مۆز: قه‌له‌قی ده‌بێته‌ هۆی زیادبوونی حاڵه‌تی راچڵه‌كین، كه‌ ئه‌مه‌ش هۆكارێكه‌ بۆ نه‌مانی پۆتاسیۆم له‌ له‌شدا كه‌ كلیلی سه‌رچاوه‌ی وزه‌یه‌، خواردنی مۆز هۆكارێكی گرنگه‌ بۆ زیادكردنی پۆتاسیۆم له‌ له‌شداو یارمه‌تیده‌رێكی سه‌ره‌كییه‌ بۆ نه‌هێشتنی قه‌له‌قی.

3- گێزه‌ر: هه‌ندێكجار له‌حاڵه‌تی قه‌له‌قیدا شه‌ویلگه‌ داده‌خرێت و باشترین بیرۆكه‌ گازگرتنه‌ له‌ شتێك كه‌ یارمه‌تیده‌ره‌ بۆ رزگاربوون له‌ گرژبوونی ماسولكه‌كان، ته‌ندروستترین هه‌ڵبژارده‌ خواردنی گێزه‌ره‌ له‌گه‌ڵ ژه‌مه‌‌كه‌كانی خواردندا.

4- باده‌م: پێكهاته‌ی سه‌ره‌كی بریتییه‌ له‌ ڤیتامین E كه‌ ئه‌مه‌ش به‌سووده‌ بۆ زیادكردنی توانای به‌رگری، هه‌روه‌ها ڤیتامین B یه‌كێكیتره‌ له‌ پێكهاته‌كانی كه‌ یارمه‌تی له‌ش ده‌دات بۆ به‌رگریكردن له‌ دڵه‌ڕاوكێ و قه‌له‌قی.

5- سپێناغ: مه‌گنیسیۆم له‌ پێكهاته‌ی ئه‌م سه‌وزه‌یه‌دایه‌، كه‌ یارمه‌تیده‌ره‌ بۆ كه‌مكردنه‌وه‌ی قه‌له‌قی، حه‌سانه‌وه‌ی له‌ش و نه‌هێشتنی سه‌رئێشه‌.

رسالة أحدث رسالة أقدم