"مرۆڤه‌كان 200 ساڵیان له‌سه‌ر زه‌وی ماوه‌"

فیزیازانی به‌ناوبانگ ستیفن هۆكینگ ڕایده‌گه‌یه‌نێت كه‌ مرۆڤه‌كان ده‌بێت هه‌ساره‌یه‌كی دیكه‌ بدۆزنه‌وه‌ بۆ ژیان ئه‌گینا له‌ماوه‌ی 200 ساڵی دیكه‌دا له‌ناو ده‌چن.

له‌ چاوپێكه‌وتیندا له‌گه‌ڵ پێگه‌ی بیگ سینك، ستیفن هۆكینگ گه‌ردوونناس و فیزیازانی گریمانه‌یی ڕاگه‌یاند: "ئه‌گه‌ر مرۆڤ بیه‌وێت بۆ ماوه‌یه‌كی دورودرێژ له‌م گه‌ردوونه‌دا بژی ئه‌وا ده‌بێت له‌ ماوه‌ی كه‌متر له‌ 200 ساڵی داهاتوودا هه‌ساره‌ی دیكه‌ی له‌بار بۆ ژیان بدۆزێته‌وه‌ و كۆمه‌ڵگای مرۆیی له‌سه‌ر بنیات بنێت، ئه‌گه‌ر نا مه‌ترسی له‌ناوچوونیان هه‌یه‌".

هۆكینگ پێی وایه‌ كه‌ دۆزینه‌وه‌ی هه‌ساره‌یه‌كی دیكه‌ بۆ مرۆڤ زۆر پێویسته‌ له‌به‌ر چه‌ند هۆكارێك، یه‌كێك له‌و هۆكارانه‌ مرۆییه‌ و ئه‌وه‌یه‌ كه‌ ده‌شێ مرۆڤه‌كان به‌هۆی ململانێی خۆیانه‌وه‌ به‌هۆی چه‌ندین جۆری چه‌كه‌وه‌ و وه‌ك چه‌كی ناوه‌كی و بایۆلۆجی یه‌كتر به‌ته‌واوتی له‌ناوبه‌رن.

هۆكارێكی دیكه‌ سروشتییه‌ و ده‌شێ هه‌سارۆكه‌یه‌ك یان نه‌یزه‌كێك به‌زه‌ویدا بكێشێت و مرۆڤایه‌تی به‌ته‌واوی بسڕێته‌وه‌ چی دی هه‌ساره‌كه‌ش بۆ ژیان له‌بارنه‌بێت.

رسالة أحدث رسالة أقدم