خواردنی ناتەندروست ئەم زیانانەی دەبێت بۆ منداڵ

كۆمەڵێك لە توێژەرەوەكانی وڵاتە یەكگرتوەكانی ئەمەریكا توێژینەوەیەكی نوێیان لەسەر خۆراك كردوە بۆ ئەوەی بزانن تا چەند كاریگەری دەبێت لەسەر تەندروستی منداڵ .

ئەم توێژینەوەیە لەسەر 9000 منداڵ ئەنجامدرا كە تەمەنیان لەنێوان 2 بۆ 11 ساڵیدا بوو و لەگەڵ هەبونی زانیاری تەواو لەسەر باری تەندروستی منداڵەكان ئەنجامی توێژینەوەكە بەو شێوەیە بوو كە كەمتر لە %10 منداڵەكان ئارەزووی خواردنی میوەیان دەكرد و ڕێژەكەی دیكەی منداڵان ئارەزووی خواردنەوەی خواردنەوە گازیەكان و خۆراكە ناتەندروستەكان دەكەن.

ئەنجامی توێژینەوەكە بەو شێوەیە بوو كە خواردنەوە گازیەكان و خۆراكە ناتەندروستەكان هۆكار دەبێت بۆ بەرزبونەوەی ڕێژەی كۆلیسترۆلی خوێن و زیاد بونی كێش و ئەمانەش هۆكار دەبن بۆ توشبون بەنەخۆشی دڵ لەپێش وەختدا.

بۆ ئەوەش پزیشكەكان ڕێنموی دایكان و باوكان دەكەن كە خۆراكی تەندروست و میوەو سەوزە و گۆشتی ماسی بدەن بەمنداڵەكانیان بۆ ئەوەی دوور بن لەم نەخۆشیە.

رسالة أحدث رسالة أقدم