زانایان پەیوەندی نێوان زیرەكی و ئەو توخمەیان دۆزیوەتەوە كە پێی دەگوترێت ( توخمی سینجابی) كە لە نێو مێشكی مرۆڤدا هەیە و دەڵێن دۆزینەوەی ئەو پەیوەندیە یارمەتیان دەدات لەوەی كە تێبگەن بۆچی هەندێ كەس كێشەیان لە زوو فێربوون و تێگەیشتندا هەیە، ئەو زانایانە زێتر لە 1500 كەسیان تاقی كردەوە بە ئەنەلایزكردنی ترشی نەوەیان و وەرگرتنی وینەی تیشكی مێشكیان كە تەمەنی هەموویان 14 ساڵان بوو، واتە هەموویان لە ڕووی جەستەیی و مێشكەوە زۆر باش بوو، ئەوەیان بۆ دەركەوت كە 54 هەزار گۆڕانكاری جینی ڕوو دەدەن بە پێی گۆڕانكاری ئەو تووخمە كە توانای فیكری و بیركردنەویان دیار دەبێت. (سیلفان دیسرفییر) كە سەرپەرشتی ئەو لێكۆڵینەوەیەی لە زانكۆی (كینغز كولیدج ) دەكرد دەڵێت ئەو گۆڕانە جینیەی كە دەستنیشانمان كردوە پەیوەندی بە چۆنیەتی بەیەكبەستنەوەو پەیوەندیكردنی شانەكانی مێشكەوە هەیە و توانای بەیەكبەستنەوەی شانەكانی مێشك دەردەخات كە ڕاستەوخۆ پەیوەستە بە توانا فیكریەكانی مرۆڤ. ئەو وای بۆ دەچێت كە دۆزینەوەكەیان دۆزینەوەی جیناتی زیرەكیی و توانا فیكریەكانی مرۆڤە.
كۆمێنت
ليست هناك تعليقات :